Eitt stað til skapan og hugsavnan

Í 2014 undirskrivaðu LISA og Sunda Kommuna samstarvsavtalu um at bjóða skúlan í Tjørnuvík fram sum listafólkabústað. LISA fegnast stórliga um hetta framtak og takkar Sunda Kommunu fyri at vera slóðbrótandi og at gera sítt til at betra umstøðurnar hjá listafólkum.

Listafólkabústaðurin kann leigast av føroyskum og útlendskum listafólkum til listaligt virksemi, skapan, hugsavnan og líknandi í eina viku upp í tríggjar mánaðir.

Øll eru vælkomin at søkja um uppihald, men av tí at tað er LISA, ið umsitur listafólkabústaðin, hava yrkislistafólk, sum eru limir í eitt av limafeløgunum hjá LISA framíhjárætt. Ynskið hjá LISA og Sunda Kommunu er at so nógv listafólk sum gjørligt skulu hava gagn av listafólkabústaðnum, tí verða listafólk, ið ikki hava havt uppihald í listafólkabústaðnum fyrr raðfest.

Tá ið uppihald í listafólkabústaðinum er játtað, verður leigusáttmáli, ið lýsir treytirnar, sendar listafólkinum. Tá ið listafólk gista í listafólkabústaðnum, eru tey vælkomin at skipa fyri framsýning, upplestri ella øðrum tiltaki, tað er tó ikki eitt krav.

Listafólk, ið búgva í listafólkabústaðnum skulu halda seg til húsreglur, sum Sunda Kommuna og LISA hava ásett.

Tað er starvsnevndin í LISA, ið viðgerð umsóknirnar og ger av, hvør ið fær tillutað uppihald í listafólkabústaðinum.